Ռուս գործարարը ինքնասպան է եղել իր բնակարանում

Մոսկվայի իր բնակարանում ինքնասպան է եղել «Out There Media Россия» ընկերության տնօրենների խորհրդի ղեկավար Օլեգ Խրիպունովը։ Այս մասին հաղորդում է Իտառ–Տասս լրատվական գործակալությունը՝ հղում անելով իրավապահ մարմինների իր աղբյուրներին։

«Տղամարդու դիակը հայտնաբերվել է նախօրեին՝  Մոսկվայի ժամանակով ժամը 20:30–ի սահմաններում, Կոսիգին փողոցի էլիտար շենքի 19 բնակարանում։ Խրիպունովը կրակել է «Тигр» տեսակի ատրճանակից», – նշել է «Իտառ–Տասս»–ի աղբյուրը։

Նույն աղբյուրի հաղորդմամբ՝ գործարարը նաև գրություն է թողել, սակայն դրա վերաբերյալ մանրամասներ չեն հաղորդվել։

Խրիպունովն աշխատել է բջջային հեռախոսների գովազդային շուկայում։ 2009 թվականին նա ընտրվել է  «Osa Communications» գործակալության տնօրենների խորհրդի նախագահ։ Ավելի վաղ նա արժանացել էր «Տարվա լավագույն մենեջեր» մրցանակին։