Policymic քաղաքական պարբերականն անդրադարձել է Հայոց ցեղասպանությանը

Ամերիկյան Policymic քաղաքական վերլուծական թերթի խմբագիր Սրջան Պրոստրանը, անդրադառնալով Սիրիա ամերիկյան ուժերի ուղարկելուն, անդրադարձ է կատարել Թուրքիայում 1915 թվականին հայերի ցեղասպանությանը:

Ամերիկան 400 զինվոր և Patriot հրթիռներ է ուղարկել Սիրիա, որպեսզի պաշտպանի վերջինիս շարունակվող քաղաքացիական պատերազմից, սակայն շատ սկեպտիկներ այլ պատճառներ են տեսնում դրա մեջ:

Արդեն 40 տարի է, ինչ Թուրքիան ցանկանում է դառնալ Եվրամիության անդամ, սակայն չի կարողանում ապահովել վերջինիս ներկայացրած պահանջները: Թուրքիայի նախագահ Ռեջեփ Թայիփ Էրդողանը բազմիցս հանդես է եկել հայտարարություններով` մեղադրելով Սիրիայի նախագահ Բաշար Ասադին ցեղասպանություն կատարելու մեջ: Սակայն իր պատմության մեջ Թուրքիան ևս երեք անգամ ցեղասպանություն է գործել հույների, ասորիների և հայերի նկատմամբ:

Պոնտիկ հույները, ասորիները և հայերն արտաքսվել են Թուրքիայից: Շուրջ 21 պետություն ճանաչել է հայերի ցեղասպանությունը, մինչդեռ ԱՄՆ-ի կառավարությունը դեռևս չի գնացել այդ քայլին, քանի որ վախենում է Թուրքիայի հետ հարաբերությունների փչանալուց, չնայած որ ԱՄՆ-ի 43 նահանգներն արդեն ճանաչել են Հայոց ցեղասպանությունը:

Հեղինակը նաև քիչ հավանական է համարում Սիրիայի կողմից Թուրքիայի վրա հարձակումը` պատճառաբանելով, որ վերջինս, ունենալով ներքին խնդիրներ, չի գնա այդ քայլին և չի հարձակվի հարևան պետության վրա: