Ավստրալիայում հրդեհները չխնայեցին ամենախոշոր աստղադիտարանը

Ավստրալիայի Նոր Հարավային Ուելս նահանգում մոլեգնող անտառային հրդեհները հսկայական վնաս են հասցրել երկրի խոշորագույն՝ Սայդինգ-Սփրինգ աստղադիտարանին: Բարեբախտաբար, բոցերից հաջողվել է փրկել գլխավոր աստղադիտակը:

Հրդեհից վնասվել է շենքը, որտեղ հետազոտական նպատակներով աշխարհի տարբեր երկրներից աշխատելու էին գալիս խոշոր գիտնականներ, գրում է The Australian-ը: Պարբերականի տվյալներով՝ աստադիտարանի շրջակայքում այրվել է 21 բնակելի տուն:

Հրդեհը կիրակի օրը երեկոյան ընդհուպ մոտեցել է աստղադիտարանին, որը գտնվում է Սիդնեյից 460 կմ հեռավորության վրա: Աստղադիտարանի աշխատակիցները ժամանակին տարհանվել են:

Կրակի դեմ պայքարում էր ավելի քան 60 հրշեջ, սակայն նրանց գործողություները բարդացնում էր ուժգին քամին, որի արագությունը ժամում հասնում էր 60 կմ-ի: