Թուրքական Sabah թերթը անդրադարձ է կատարել նախագահական ընտրություններին

Թուրքական Sabah պարբերականն անդրադարձ է կատարել Հայաստանում փետրվարի 18-ին տեղի ունենալիք նախագահական ընտրություններին: Նա «Սերժ Սարգսյանը՝ ընտրությունների ֆավորիտ» հոդվածում մանրամասն շարադրում է Հայաստանում տեղի ունեցող քաղաքական դեպքերը՝ կապված ընտրությունների հետ: Հոդվածում նշվում է, որ Հայաստանի ներկայիս նախագահ Սերժ Սարգսյանը բոլոր հնարավորություններն ունի ընտրություններում հաղթանակ տանելու համար, քանի որ երկու գլխավոր ընդդիմադիր ուժերը՝ Ազգային Կոնգրեսը նախկին նախագահ Լևոն Տեր-Պետրոսյանի գլխավորությամբ և Գագիկ Ծառուկյանի «Բարգավաճ Հայաստանի» կուսակցությունը հրաժարվել են մասնակցել ընտրություններին:

Անդրադարձ է կատարվել նաև որոշ քաղաքական գործիչների բողոքին, համաձայն որոնց ընտրությունների համար 20 հազար դոլարի պահանջելը հակասահմանադրական է: Սակայն ԿՀՎ նախագահ Տիգրան Մուկուչյանը նշել է, որ այդ պահանջները բոլորի համար են և լիովին սահմանադրական են:

Թերթը նաև անդրադարձ է կատարել Ահարոն Ադիբեկյանի սոցհարցումներին՝ նշելով, որ սոցհարցումների համաձայն ընտրությունների ժամանակ, հնարավոր է՝ հաղթի Սերժ Սարգսյանը՝ հավաքելով ընտրողների 72%-ը: