Հունգարիան կապահովի Պուտինի անվտանգությունը․ Սիյարտո

Հունգարիան հարգանքով կընդունի նախագահ Վլադիմիր Պուտինին, երբ նա այցելի իր ամերիկացի գործընկեր Դոնալդ Թրամփի հետ գագաթնաժողովին, հայտնել է երկրի ԱԳ նախարար Պետեր Սիյարտոն:

Նա նշել է, որ Պուտինը կկարողանա անարգել ժամանել Հունգարիա և լքել երկիրը:

«Իհարկե, մենք այստեղ՝ Բուդապեշտում, պատրաստ ենք ապահովել անհրաժեշտ պայմանները, որպեսզի ԱՄՆ-ի և Ռուսաստանի նախագահները կարողանան բանակցություններ վարել անվտանգ և հանգիստ մթնոլորտում։ Հունգարիան Եվրոպայի ամենաանվտանգ երկիրն է և աշխարհի ամենաանվտանգ երկրներից մեկը», - հայտարարել է ԱԳ նախարարը։