Ֆիլիպ Կիրկորովի դեմ դատական հայց է ներկայացվել՝ չվճարած պարտքերի համար

Ռուսաստանի ժողովրդական արտիստ Ֆիլիպ Կիրկորովի դեմ դատական հայց է ներկայացվել՝ կապված համերգային տոմսերի իրացման չվճարված ծառայությունների հետ։ Ինչպես հայտնում է «Московский комсомолец»-ի Telegram ալիքը, «Կուլտուրնայա Սլուժբա» ընկերությունը պահանջում է երգչից ավելի քան 7,6 միլիոն ռուբլի։

Ընկերությունը պնդում է, որ Կիրկորովը չի կատարել պայմանագրային պարտավորությունները՝ չվճարելով տոմսերի վաճառքի և տարածման ծառայությունների դիմաց։ Դատական նիստի օրը դեռևս չի նշանակվել, իսկ երգչից մեկնաբանություններ այս պահի դրությամբ չեն ստացվել։

Հիշեցնենք, որ ավելի վաղ Կիրկորովը հայտարարել էր, թե «արդեն վաղուց ապրում է հեքիաթային աշխարհում»՝ ընդգծելով, որ իրեն զգում է հեքիաթի կերպար։