«TRIPP»–ը կարող է նպաստել Միջին միջանցքի հետագա զարգացմանը․ Ղազախստանի նախագահը՝ Թրամփին
Ղազախստանի նախագահ Կասիմ-Ժոմարտ Տոկաևը բանակցություններ է վարել իր ամերիկացի գործընկեր Դոնալդ Թրամփի հետ։
Ղազախստանի ղեկավարի մամուլի ծառայությունը հայտնում է, որ Սպիտակ տանը կայացած հանդիպման ժամանակ Տոկաևը շնորհակալություն է հայտնել Թրամփին Վաշինգտոն այցելության հրավերի և ղազախական պատվիրակությանը ցուցաբերված բացառիկ հյուրընկալության համար։
Նա նաև հայտնել է Ղազախստանի աջակցությունը ԱՄՆ նախագահի խաղաղապահ նախաձեռնություններին, այդ թվում՝ «Թրամփի երթուղուն» (TRIPP), որը կարող է նպաստել Միջին միջանցքի հետագա զարգացմանը։
Իր հերթին, Դոնալդ Թրամփը վերահաստատել է ԱՄՆ-ի հանձնառությունը Ղազախստանի հետ բազմակողմանի, ընդլայնված ռազմավարական գործընկերության հետագա ամրապնդման հարցում։
Ղեկավարները ողջունել են այցի ընթացքում Ղազախստանի և Միացյալ Նահանգների միջև ավելի քան 17 միլիարդ դոլարի առևտրային համաձայնագրերի ստորագրումը։
Հանդիպման ընթացքում մանրամասն կարծիքներ են փոխանակվել երկկողմ հարցերի լայն շրջանակի շուրջ։
ՈՒՂԻՂ ԵԹԵՐ
Ամենադիտված 
Իմ դարի չափ տխրությունն Անին վերցրեց իր փխրուն ուսերին ու տարավ․ Նազենի Հովհաննիսյան
