Ռուսաստանում Zeekr-ի պահանջարկը կտրուկ նվազել է

2025 թվականի հոկտեմբերին Zeekr բրենդի էլեկտրամեքենաների վաճառքը Ռուսաստանում նվազել է գրեթե երկու անգամ։ Այդ մասին հայտնել է «Автостат» գործակալության ղեկավար Սերգեյ Ցելիքովը։

Նրա տվյալներով՝ հոկտեմբերին երկրում հաշվառվել է ընդամենը 291 Zeekr էլեկտրամեքենա, ինչը 52 տոկոսով պակաս է, քան նախորդ տարվա նույն ամսում (604 միավոր)։ Տարվա սկզբից մինչ այժմ գրանցվել է 2620 Zeekr, որը 61 տոկոսով պակաս է 2024-ի նույն ժամանակահատվածից։

Ամենապահանջված մոդելը շարունակում է մնալ Zeekr 001-ը՝ վաճառված մեքենաների կեսից ավելին։ Միևնույն ժամանակ, օգտագործված էլեկտրամեքենաների շուկայում Zeekr-ը սեպտեմբերին զբաղեցրել է երկրորդ տեղը՝ զիջելով միայն Nissan-ին և առաջ անցնելով Tesla-ից։