ԱԳՆ-ն անցել է նախագահ Պուտինի հանձնարարականների կատարմանը․ Զախարովա

Ռուսաստանի արտաքին գործերի նախարարությունը անվտանգության խորհրդի նիստից հետո ստացել է նախագահ Վլադիմիր Պուտինի հանձնարարականները միջուկային փորձարկումների վերաբերյալ առաջարկությունների նախապատրաստման վերաբերյալ և անցել դրանց կատարմանը: Այս մասին հայտնել է Ռուսաստանի արտաքին քաղաքական գերատեսչության պաշտոնական ներկայացուցիչ Մարիա Զախարովան, նրա խոսքը մեջբերում է RBC-ն։

«Օրերս տեղի ունեցած Ռուսաստանի Անվտանգության խորհրդի նիստը և այնտեղ հնչած նախագահ Պուտինի հանձնարարականը ևս կարող են լինել ձեր հարցի պատասխանը։ ԱԳՆ-ն համապատասխան հանձնարարականներ է ստացել, և գերատեսչությունն արդեն ձեռնամուխ է եղել այն խնդրի կատարմանը, որը դրվել է երկրի ղեկավարության կողմից», - պատասխանել է դիվանագետը լրագրողների հարցին։

Միևնույն ժամանակ, Զախարովան որևէ մանրամասներ չի ներկայացրել Ռուսաստանի ղեկավարի հանձնարարականի արտաքին քաղաքական գերատեսչության կատարման վերաբերյալ: