Հասարակությունը պետք է հարց տա, թե ի՞նչ երկիր է ուզում. Լիլիթ Գալստյան

«Հասարակությունը պետք է հարց տա, թե ինչ երկիր է ուզում, և արդյոք իր պատկերացրածն այն Հայաստանն է, որը կորուստների մղձավանջների աղետների և ցեղասպանությունից հետո  պետականության պայմաններում երկրորդ ցեղասպանության մասին է»,-Այլընտրանքային նախագծեր խմբի նախաձեռնած «Գալիք ընտրությունների երկարաժամկետ հետևանքները» խորագրով քննարկմանն ասաց ԱԺ«Հայաստան» խմբակցության պատգամավոր Լիլիթ Գալստյանը։

Նրա խոսքով՝ պետության քանդման հիմնական միտումը  արժեքային դեգրադացիան է, որն այսօր այն ասպատակությունն է, որն իրականացվում է գործող իշխանական խմբակի կոմղից Հայ Առաքելական եկեղեցու նկատմամբ։

Գալստյանն ընդգծեց, որ կազմաքանդվում է մարդու ամբողջական արժեհամակարգը, մշակույթը, կրթական չափորոշիչներով՝  պատմության դասագրքերի խեղաթյուրվում է։

 Ընդդիմադիր պատգամավորը նշեց, որ այսօր թիրախի տակ է ոչ միայն հայի ինքնությունը,այլև Հայաստան-Սփյուռք հարաբերությունները և Ցեղասպանությունը։

 «Հանրային ընկալմանը պետք է հասցնել հարցը, թե ուզո՞ւմ ենք այսպես ապրել, իսկ այսպես ապրելու շարունակությունը Հայաստանի չգոյությունն է»,-ասաց Գալստյանը՝ հարց հնչեցնելով, թե արդյոք հնարավոր է ապրել մի տարածքում, որը ազգային պետություն, ընդհանրական արժեհամակարգ չի ունենալու։

 Նա կարևորեց տագնապի իր նկարագրած զանգը հանրության բոլոր շերտերում արթնացնելը։

 Գալսյանը պատահական չահամարեց հոգևոր առանցքների թիրախավորումը, Եկեղեցուն, հայ մշակույթը, մտավորականությունը և այն հիշեցրեց զառանցանք հիշեցնող այդ ամենի իշխանական ձևակորպումը՝ «Չորրորդ հանրապետության գեղագիտություն»։

 «Այն Նիկոլ Փաշինյանի պարտությունների, վախերի, սնանկ արժեհամակարգի համակցում է, մենք պետք է ասենք՝ ո՛չ, և հանրությանը պետք է համախմբել մեր ինքնության համար պայքարի շուրջ»,- ասաց ԱԺ ընդդիմադիր պատգամավորը։