Երբ կավարտվի Երկրի վրա G3 մագնիսական փոթորիկը

Տիեզերական եղանակի կենտրոնի ղեկավար Մարիա Աբունինան հայտարարել է, որ նոյեմբերի 7-ին Երկրի վրա նոր ուժեղ մագնիսական փոթորիկ կլինի։ Նրա խոսքերը մեջբերում է kp.ru-ն։

Երկրի մագնիսական դաշտի խանգարման աստիճանը չափվում է հինգ մակարդակային սանդղակով, որտեղ G5-ը «չափազանց ուժեղ» է, իսկ G1-ը՝ «թույլ»։ Մոլորակի վրա այժմ ընթանում է G3 մագնիսական փոթորիկ, որը, գիտնականի խոսքով, կավարտվի միայն նոյեմբերի 7-ի կեսօրին։

«Հիմա իսկապես սկսվել է խոշոր մագնիսական փոթորիկ, և վաղը կլինի ևս մեկը։ Այն, հավանաբար, մի փոքր ավելի հզոր կլինի, քանի որ երեկ Արեգակի վրա տեղի են ունեցել կորոնալ զանգվածային արտանետումներ», - ասել է նա։

Ըստ Աբունինայի՝ նոյեմբերի 7-ի կեսօրին Երկիր կհասնեն արտանետված արեգակնային պլազմայի ամպերը, ինչը կհանգեցնի մագնիսական ակտիվության աճի։