ԱՄՆ-ում օդանավակայանների փակման պատճառով՝ արդեն ավելի քան 800 չվերթ է չեղարկվել

ԱՄՆ դաշնային կառավարության աշխատանքի դադարեցման պատճառով չեղարկված չվերթների թիվն արդեն գերազանցել է 800-ը, հաղորդում է ՏԱՍՍ-ը՝ հղում անելով FlightAware մասնագիտացված պորտալին։

Ներկայումս չեղարկվել է 817 չվերթ, այդ թվում՝ խոշոր ավիահանգույցներում՝ Ատլանտայում, Վաշինգտոնում, Դալլասում, Նյու Յորքում, Լոս Անջելեսում և Չիկագոյում։ Ավելի վաղ հաղորդվել էր մոտ 700 չվերթի չեղարկման մասին։

Նոյեմբերի 7-ին հայտարարվեց, որ ԱՄՆ-ն կառավարության աշխատանքի դադարեցման պատճառով՝ չվերթների թիվը կրճատվելու է 4%-ով։ Դաշնային ավիացիոն վարչության հրամանագիրը կհանգեցնի հարյուրավոր չվերթների չեղարկման։ Նոյեմբերի 11-ին չեղարկված չվերթների թիվը կհասնի 6%-ի, նոյեմբերի 13-ին՝ 8%-ի, իսկ նոյեմբերի 14-ին՝ 10%-ի, ինչը կազմում է օրական հազարավոր չվերթներ։

ԱՄՆ կառավարությունը պաշտոնապես դադարեցրել է գործունեությունը հոկտեմբերի 1-ին։ Սենատը 14 անընդմեջ փորձով չի կարողացել հաստատել կառավարության կարճաժամկետ ֆինանսավորման օրինագիծը։ Կառավարությունը 37 օր է, ինչ արձակուրդում է։