Դաղստանում կործանվել է Ка-226 ուղղաթիռը՝ զոհվել է չորս մարդ

Դաղստանում, Կասպից ծովի ափին գտնվող Աչի-Սու գյուղի մոտ, կործանվել է Ка-226 տիպի ուղղաթիռը։ Ըստ նախնական տվյալների՝ վթարի հետևանքով զոհվել է չորս մարդ։ Միջադեպի մասին տեղեկացնում է Shot Telegram-ալիքը։

Ուղղաթիռը, որը ընկել է Մախաչկալայից մոտ 40 կիլոմետր հեռավորության վրա, տեղափոխում էր յոթ ուղևոր։ Սկզբում հաղորդվում էր, թե օդանավում եղել են զբոսաշրջիկներ, սակայն ТАСС-ի տվյալներով՝ դրանք Կիզլյարի էլեկտրամեխանիկական գործարանի աշխատակիցներ են։

Դեպքի հանգամանքները քննության փուլում են։ Ավելի վաղ հաղորդվել էր, որ «Անգարա» ավիաընկերության ուղևորատար ինքնաթիռը կործանվել էր Ամուրի մարզում՝ պիլոտի սխալի հետևանքով։