Զելենսկին հայտարարել է չինական Mavic-ներին փոխարինող դրոնների զանգվածային արտադրության մասին

Ուկրաինայի նախագահ Վլադիմիր Զելենսկին հայտնել է, որ երկիրը սկսել է զանգվածային արտադրություն կազմակերպել սեփական անօդաչուների՝ որպես այլընտրանք չինական Mavic մոդելներին։ Նրա խոսքով՝ արդեն գտնվել են տեխնոլոգիական լուծումներ, և առաջիկայում կստորագրվեն ֆինանսավորման պայմանագրեր։

«Մենք որոնում էինք այլընտրանքներ, դրանք արդեն գտնվել են, և պատրաստվում ենք անցնել զանգվածային արտադրության», — նշել է Զելենսկին բրիֆինգի ընթացքում։

Ավելի վաղ բրիտանական մամուլը տեղեկացրել էր, որ Արևմուտքի կողմից Ուկրաինային մատակարարվող անօդաչուները պատերազմի պայմաններում արդյունավետ չեն՝ բարձր արժեքի և ռուսական ռադիոէլեկտրոնային համակարգերից թույլ պաշտպանված լինելու պատճառով։ The Telegraph-ի տվյալներով՝ Ռուսաստանի բանակը վերջին ամիսներին ոչնչացրել է Ուկրաինայի ԶՈւ էլիտար դրոն-օպերատորների մի խումբ։