Նիդեռլանդները պատրաստ են վերադարձնել վերահսկողությունը չինական Nexperia ընկերությանը

Նիդեռլանդների կառավարությունը պատրաստ է վերականգնել վերահսկողությունը չինական Nexperia կիսահաղորդիչների արտադրողի նկատմամբ՝ այն վերադարձնելով ընկերության ղեկավարությանը և սեփականատերերին։ Այդ մասին հայտնում է Bloomberg-ը՝ վկայակոչելով իր աղբյուրներին։

Ըստ հրապարակման՝ որոշումը կկայացվի արդեն հաջորդ շաբաթ՝ այն պայմանով, որ Չինաստանը թույլատրի միկրոշղթաների արտահանումը տեղական գործարաններից։ Հոկտեմբերին Պեկինը սահմանափակել էր նման արտահանումը, ինչը դժգոհություն էր առաջացրել հատկապես Գերմանիայում, որի ավտոարդյունաբերությունը կախված է չինական մատակարարումներից։

Նիդեռլանդները ժամանակավոր պետական վերահսկողություն էին սահմանել Wingtech Technology-ին պատկանող Nexperia-ի նկատմամբ՝ ապահովելու համար սեփական միկրոշղթաների պաշարը՝ աճող առևտրային լարվածության պայմաններում։ Այժմ, ԱՄՆ-ի հետ «առևտրային դադարի» մասին պայմանավորվածությունից հետո, Պեկինը մեկ տարով դադարեցրել է որոշ սահմանափակումներ, և Ամստերդամը պատրաստ է վերադառնալ նախկին կարգավիճակին։