Սերժ Սարգսյանն անդրադարձել է երկրից դուրս մեկնելու արգելքի հանգամանքին

«Տոմսեր ձեռք բերեցի, որպեսզի նոյեմբերի 8-ին՝ վաղը գիշերը, 8-9 օրով մեկնեի արտասահման և վերադառնայի։ Երբ խափանման միջոցը վերացրին՝ երկրից դուրս գալու արգելքը, ես որոշեցի տոմսեր գնել և նոյեմբերի 8-ին 8-9 օրով գնայի արտերկիր, ապա վերադառնայի»,– ասել է ՀՀ երրորդ նախագահ Սերժ Սարգսյանը՝ «Իմնեմնիմի» փոդքասթում անդրադառնալով իր նկատմամբ երկրից դուրս մեկնելու արգելք սահմանելու հանգամանքին՝ նշելով, որ խնդիրը հենց իր արտագնա մեկնումը կանխելն էր։

«Դատախազները բողոք ներկայացրին դատարաններ, որոնք մերժեցին բողոքները։ Սակայն երեկոյան ուշ տեղեկացա, որ այլ քրեական գործով Քննչական կոմիտեն ինձ հրավիրում է հարցաքննության։ Հաջորդ օրը գնացի, և ընտրվեց խափանման միջոց»,– նշել է Սերժ Սարգսյանը։