Պենտագոնի ղեկավարը նշել Է ԱՄՆ-ի ամենասարսափելի թշնամուն

Պենտագոնում բյուրոկրատիան ԱՄՆ-ի համար ավելի լուրջ սպառնալիք է դարձել, քան Չինաստանը: Նահանգների ամենասարսափելի թշնամուն անվանել է ամերիկյան պատերազմի նախարարության ղեկավար Փիթ Հեգսեթը։

«Այս հակառակորդը կենտրոնական պլանավորման վերջին համաշխարհային հենակետերից մեկն է։ Այն ղեկավարվում է հնգամյա պլանավորման բռնապետությամբ։ Գուցե սա հնչում է նախկին Խորհրդային Միության նման, բայց այդ թշնամին վաղուց չկա։ Հակառակորդը, որի մասին ես խոսում եմ, շատ ավելի մոտ է: Դա Պենտագոնի բյուրոկրատիան է», - ասել է նախարարը։

Նրա խոսքով՝ այդ թշնամին ոչնչացնում է նոր գաղափարները և ճնշում մտքի ազատությունը, ինչը, ի վերջո, վտանգում է երկրի անվտանգությունն ու զինծառայողների կյանքը: Հեգսեթն ընդգծել է, որ այդ հակառակորդի հզորության հետ չի կարող մրցակցել անգամ Չինաստանի Ժողովրդական Հանրապետությունը։