ԱՄՆ-ում Ուկրաինայի հարցով նոր պլան են առաջարկել (տեսանյութ)

ԱՄՆ բանակի պաշտոնաթող փոխգնդապետ Դենիել Դևիսը հայտարարել է, որ ԱՄՆ-ն պետք է ճնշում գործադրի Եվրոպայի և Ուկրաինայի վրա՝ Ռուսաստանի հետ հակամարտությունն ավարտելու համար: 

«Եկեք հիմա ավարտենք պատերազմը։ Ասենք, որ մենք կդադարեցնենք Ուկրաինային աջակցելը և սպառազինության անսահմանափակ մատակարարումները։ Պնդենք, որ Եվրոպան և Ուկրաինան առաջարկեն լավագույն գործարքը, որը միայն կարող են», - հայտարարել է Դևիսը։

Նա նաև հայտարարել է, որ հանուն խաղաղության Արևմուտքը կարող է Ռուսաստանին առաջարկել վերացնել պատժամիջոցները: Այսպես է Դևիսը մեկնաբանել ԱՄՆ նախագահ Դոնալդ Թրամփի և Հունգարիայի վարչապետ Վիկտոր Օրբանի հանդիպումը Սպիտակ տանը: