ԱՄՆ-ում «վամպիր» կնոջը դատապարտեցին 25 տարվա ազատազրկման՝ ընկերուհուն կատանայով սպանելու համար

Կալիֆոռնիայի Սան Դիմաս քաղաքում 45-ամյա Վեյչեն Հուանգը դատապարտվել է 25 տարվա ազատազրկման՝ իր ընկերուհուն դաժան կերպով սպանելու համար։ Ինչպես գրում է Los Angeles Times-ը, Հուանգը 2024 թվականի հուլիսին հարձակվել էր 47-ամյա Չեն Չեն Ֆեյի վրա՝ նրան հասցնելով 13 հարված սուր կատանայով։

Դեպքի պահին տանը գտնվել է նաև զոհի մայրը, որը փորձել է պաշտպանել դստերը։ Նա ձեռքերով բռնել է սուրը և կարողացել է խլել այն հարձակվողից՝ դուրս վազելով օգնություն կանչելու։ Երբ ոստիկանությունը հասել է տեղ, Ֆեյն արդեն մահացած էր, իսկ Հուանգը փորձել էր ինքնասպան լինել, սակայն փրկվել էր։

Դատարանում զոհի մայրը հարձակվողին անվանել է «վամպիր», հայտարարելով, որ նա «վայելում էր արյան տեսարանը»։ Դատարանի որոշմամբ՝ Հուանգը կանցկացնի հաջորդ 25 տարիները բանտում՝ առանց պայմանական վաղազատման հնարավորության։