Ռուսական LazerBuzz լազերային համակարգը կարողանում է ոչնչացնել դրոնները կես վայրկյանում

Ռուսաստանում փորձարկվել է նոր լազերային հակադրոնային համակարգ՝ LazerBuzz, որը կարողանում է ոչնչացնել անօդաչու թռչող սարքերը ընդամենը 0,5 վայրկյանում։ Ինչպես հայտնում է ՏԱՍՍ-ը, փորձարկումները հաջողությամբ անցկացվել են «Посох» նախագծի շրջանակում, իսկ համակարգն արդեն ստացել է ինքնավար աշխատանքի ռեժիմ։

Ընկերությունը նշել է, որ LazerBuzz-ը կարող է կիրառվել տարբեր օբյեկտների՝ ռազմավարական ենթակառուցվածքների, արդյունաբերական համալիրների և հետնամասային տարածքների պաշտպանության համար։ Մասնագետների խոսքով՝ այն կարելի է համարել այլընտրանք էլեկտրոնային պայքարի (ՌԷՊ) համակարգերին, որոնք հաճախ անարդյունավետ են լինում ուկրաինական FPV-դրոնների դեմ։

Արտադրողները հայտնել են, որ համակարգը լիովին պատրաստ է գործնական կիրառման, և ներկայում շարունակվում է մատակարարումների համաձայնեցման գործընթացը։ Հիշեցնենք, որ հոկտեմբերին «Ռոստեխ»-ի «Շվաբե» հոլդինգն էլ էր ներկայացրել շարժական լազերային կայանք, որը նախատեսված է տարբեր տեսակի բարձր արագությամբ դրոնների ոչնչացման համար։