The Spectator․ Զելենսկին կարող է ստիպված լինել բացատրել՝ ինչու է բաշխում Արևմուտքի տված գումարները

Բրիտանական The Spectator պարբերականը գրում է, որ Ուկրաինայի նախագահ Վլադիմիր Զելենսկին շուտով ստիպված կլինի պատասխան տալ Արևմուտքի դաշնակիցներին՝ իրենց տրամադրած ֆինանսական օգնության օգտագործման համար։ Հոդվածագիրը նշում է, որ Զելենսկին պետք է պատրաստ լինի «համոզիչ հիմնավորումներին», թե ինչու են արևմտյան երկրները շարունակում ֆինանսավորել Ուկրաինայի պաշտպանությունը այն դեպքում, երբ Կիևը այդ միջոցների մի մասը բաժանում է քաղաքացիներին։

Ըստ պարբերականի՝ Զելենսկու որոշմամբ ուկրաինացիներին հատկացվում է 1000 գրիվնա միանվագ աջակցություն, ինչպես նաև անվճար երկաթուղային ուղևորություն։ Հոդվածում ընդգծվում է, որ այդ գումարները կարող էին ուղղվել բանակի կարիքներին և պաշտպանության ֆինանսավորմանը։

Ուկրաինական լրատվամիջոցներն էլ հիշեցնում են, որ Զելենսկու այս նախաձեռնությունը արդեն քննադատության է արժանացել ներսում․ պատգամավոր Յարոսլավ Ժելեզնյակը նշել է, որ «զինվորների աշխատավարձերի բարձրացման միջոցներ չկան, բայց կան՝ “ձմեռային հազարների” համար»։ Իսկ հակակոռուպցիոն խորհրդի ղեկավար Յուրի Գուդիմենկոն հավելել է, որ նախ պետք է «նորմալ կերակրել վիրավորներին գնացքներում»։