Երեմ Սարգսյանը հրապարակել է Միքայել Սրբազանի գործով (Չ)դատավոր Արմինե Մելիքսեթյանի ֆանտաստիկ «գիտական» մտքերից

Շիրակի թեմի ազատազրկվծ առաջնորդ Միքայել արքեպիսկոպոս Աջապահյանի պաշտպան Երեմ Սարգսյանը շարունակում է ներկայացնել դատավորի կատարած սխալներն ու խախտումները։ Նա գրում է.

«Օրենքի համաձայն՝ օրենքով սահմանված կարգով ձեռք բերված տվյալները չեն կարող որպես ապացույց օգտագործվել, եթե առկա է դրանք փոխարինած լինելու կամ դրանց հատկանիշները փոփոխած լինելու ողջամիտ կասկած։

Ամբողջ դատաքննության ընթացքում պնդում էինք, որ Միքայել Սրբազանի բնակարանի խուզարկությամբ հայտնաբերված համակարգիչը տեսագրության ներքո չեն փաթեթավորել ու կնիքվել, որ այն մոտ կես ժամ տեսախցիկի տեսադաշտից դուրս է գտնվել կողքի սենյակում և որ այդ ընթացքում ինչ-որ մեկը կարող էր փոփոխել այն կամ դրանում ինչ-որ ֆայլ ներբեռնել, նշում էինք, որ համակարգչի զննությունն առանց առանց Միքայել Սրբազանի ու նրա ներկայացուցիչների, ինչպես նաև առանց ընթերակաների մասնակցության կատարելու ընթացքում այդ օրագրում ինչ ուզենային կավելացնեին, իսկ (Չ)դատավորը դատավճռում նշել է, որ պետք է առաջնորդվել պետական մարմինների բարեխղճության կանխավարկածով, քանզի հակառակ մոտեցման պարագայում չեն բացառվի նաև ենթադրություններն առ այն, որ ընդհուպ տեսաձայնագրման պարագայում ևս փաթեթավորված և կնքիված առարկաների կնիքները կարող են հետագայում բացվել և կրկին կնիքվել։