«Mercedes»-ն Ազատության պողոտա ընթանալիս բախվել է բազալտե եզրաքարին և գլխիվայր շրջվել
Արտակարգ Պատահար
Այսօր՝ նոյեմբերի 10-ին, ավտովթար է տեղի ունեցել Երևանում։ Ժամը 10:20-ի սահմաններում Արագածոտնի մարզի բնակիչ 40-ամյա Վահե Ն.-ն իր վարած «Mercedes» մակնիշի ավտոմեքենայով Սարալանջի փողոցից դեպի Ազատության պողոտա ընթանալիս բախվել է բազալտե եզրաքարին և գլխիվայր շրջվելով հայտնվել երթևեկելի գոտում։
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով ըստ նախնական տեղեկությունների բարեբախտաբար տուժածներ չկան, սակայն դեպքի վայր ժամանած Երևանի 103 շտապօգնության բժիշկների հերթապահ խումբը տեղում 1 հոգու օգնություն է ցուցաբերել, ով սակայն հրաժարվեկ է հիվանդանոց մեկնել։
Օպերատիվորեն դեպքի վայր են ժամանել ՀՀ Ներքին գործերի նախարարության Փրկարար ծառայության Երևանի թիվ 8-րդ հրշեջ-փրկարարական ջոկատից 1 մարտական հաշվարկ։
Հրշեջ-փրկարարները հոսանքազրկել են ավտոմեքենան, դադարեցրել դիզվառելիքի արտահոսքը և տեղում իրականացրել հերթապահություն։
Վթարի փաստով ՊԾ Երևան քաղաքի գնդում փաստաթղթեր են կազմվում, որտեղ էլ պարզում են նաև վարորդի հայտնած տեղեկությունը այն մասին, որ մեկ այլ ավտոմեքենայի վարորդ ստեղծել է վթարային իրավիճակ, ապա հեռացել դեպքի վայրից։
ՈՒՂԻՂ ԵԹԵՐ
Ամենադիտված 
Հրապարակվել է սպանված Խամենեիի նստավայրի լուսանկարները (Ֆոտոշարք)
