Թուրքիայում խոսել են Ռուսաստան-Ուկրաինա բանակցությունների վերսկսման մասին

Թուրքիան հույս ունի, որ Ռուսաստանն ու Ուկրաինան կվերսկսեն բանակցային գործընթացը և բանակցությունների նոր փուլ կանցկացնեն Ստամբուլում, սակայն այժմ դրա համար ոչ մի նախադրյալ չկա։ Այս մասին հայտնել է Lenta-ն՝ վկայակոչելով թուրքական դիվանագիտական աղբյուրը։

«Իհարկե, հույս ունենք, որ բանակցությունները կվերսկսվեն։ Ստամբուլում կողմերը կարողացել են մի շարք հումանիտար պայմանավորվածություններ ձեռք բերել, ինչը շատ կարևոր է», - հայտնել է զրուցակիցը։

Նա ընդգծել է, որ Թուրքիան դեռևս չի ստացել որևէ ազդանշան, որը ցույց կտար կողմերի շփումների հնարավոր վերսկսումը: