Պակիստանը փորձել է Ռուսաստանից C-400 տեխնոլոգիաներ դուրս բերել․ ET

Ռուսական հատուկ ծառայությունները կանխել են Պակիստանի՝ երկրից C-400 հակաօդային պաշտպանության համակարգի տեխնոլոգիաները դուրս բերելու փորձը։ Այս մասին հայտնում է The Economic Times-ը՝ հղում անելով իր աղբյուրներին։

«Մոսկվան բացահայտել է լրտեսական ցանց, որը ղեկավարում էր Պակիստանի միջգերատեսչական հետախուզությունը, որը փորձում էր մաքսանենգ ճանապարհով Ռուսաստանից դուրս բերել ՀՕՊ համակարգերի տեխնոլոգիաները։ Սանկտ Պետերբուրգում հակահետախուզական գործողության ընթացքում ձերբակալվել Է Ռուսաստանի քաղաքացի, որը փորձել է դուրս բերել ռազմական ուղղաթիռային տեխնոլոգիաների և ՀՕՊ համակարգերի մշակման համար օգտագործվող փաստաթղթերը, ինչպես նաև ռազմատրանսպորտային ուղղաթիռների մասին այլ տեղեկություններ», - հայտնել են իրավիճակին ծանոթ աղբյուրները:

Ինչպես նշել են նյութի հեղինակները, Հնդկաստանի ռազմաօդային ուժերի կողմից օգտագործվող C-400 համակարգերը վճռորոշ դեր են խաղացել «Սինդուր» ռազմական գործողության մեջ, որի ընթացքում երկիրը հրթիռային հարվածներ է հասցրել Պակիստանի տարածքին՝ ի պատասխան Պահալգամի ահաբեկչության: Պարբերականի տվյալներով՝ Նյու Դելին նախատեսում է ռուսական նման համակարգերի ևս հինգ համակարգ գնել։