Դաշնային դատարանը պարտավորեցրել է Թրամփին ապահովել սննդային օգնություն ամերիկացի աղքատներին

ԱՄՆ դաշնային վերաքննիչ դատարանը պարտավորեցրել է նախագահ Դոնալդ Թրամփի վարչակազմին ամբողջությամբ ֆինանսավորել 42 միլիոն սոցիալապես անապահով ամերիկացիների սննդային օգնության ծրագիրը՝ կառավարության աշխատանքների դադարեցման պայմաններում։ Այս մասին հաղորդում է New York Post-ը։

Մինչ այդ Ռոդ Այլենդի դատավորը պարտավորեցրել էր ԱՄՆ գյուղատնտեսության նախարարությանը հատկացնել 4 միլիարդ դոլար, որոնք նախատեսված էին այլ նպատակների համար, որպեսզի ապահովվի աղքատ ամերիկացիների մասնակցությունը լրացուցիչ սննդային աջակցության ծրագրին (SNAP)։

Թրամփի վարչակազմը փորձել էր վիճարկել այս որոշումը՝ պնդելով, թե դատարանը իրավասու չէ կառավարական միջոցների վերաբաշխման հարցում։ Սակայն դատավորները վճռել են, որ սոցիալական պաշտպանությունը չպետք է դադարեցվի նույնիսկ շուտդաունի պայմաններում։ Նշվում է, որ ԱՄՆ տնտեսությունը արդեն զգալիորեն տուժել է կառավարության ժամանակավոր դադարից, թեև ակնկալվում է, որ վերականգնումը կլինի արագ։