Sky News․ Թրամփի հանդիպումը Սիրիայի նոր նախագահի հետ կոչված է «դադարեցնել Սիրիայի մեկուսացումը»

Բրիտանական Sky News-ը մեկնաբանել է ԱՄՆ նախագահ Դոնալդ Թրամփի հանդիպումը Սիրիայի նոր ղեկավար Ահմեդ Աշ-Շարայի հետ՝ նախկինում «Ալ Քաիդայի» և «Հայաթ Թահրիր աշ-Շամ» խմբավորման անդամի։ Լրատվամիջոցի գնահատմամբ՝ Վաշինգտոնի նպատակն է վերացնել Սիրիայի մեկուսացված կարգավիճակը և ներգրավել նրան տարածաշրջանային համագործակցության շրջանակում։

Ըստ Sky News-ի՝ Թրամփի վարչակազմը համարում է, որ Աշ-Շարան՝ որպես անցումային կառավարության ղեկավար, կարող է կանխել Սիրիայի վերադարձը քաղաքացիական պատերազմի և ապահովել երկրի կայունությունը։ «Ահա թե ինչու ԱՄՆ-ը պատրաստ է Սիրիային առաջարկել իր աջակցությունն ու՝ “տաք գրկախառնություններ”», — նշվում է հաղորդման մեջ։

ԱՄՆ-ն, ըստ աղբյուրի, հույս ունի, որ Աշ-Շարան կվերադասավորի իր անցյալը՝ հրաժարվելով ջիհադիստական արմատներից և միավորելով երկիրը։ Sky News-ը հավելում է, որ քայլը ռիսկային է, սակայն հաջողության դեպքում այն կարող է փոխել Սիրիայի դերը Մերձավոր Արևելքում՝ հակառակորդից վերածելով տարածաշրջանային դաշնակցի ԱՄՆ-ի համար։