ՆԱՏՕ-ի երկրի կործանիչները զորավարժություններ են սկսել Ռուսաստանի սահմանների մոտ

Ֆինլանդիայի ռազմաօդային ուժերի F/A-18 Hornet կործանիչները վարժական թռիչքներ են սկսել Ռուսաստանի սահմանների մոտ գտնվող տարածաշրջանում: Այս մասին հայտնում է Iisalmen Sanomat պարբերականը։

«Կարելյան ավիաթևը նոյեմբերի 10-13-ը Ռիսալա ավիաբազայում կազմակերպում է Vilkku 25 թռիչքային վարժանքներ», - ասվում է հրապարակման մեջ: Պարբերականի տվյալներով՝ վարժական թռիչքներ կիրականացվեն նաև Ֆինլանդիայի Կայնուու մարզում, որը սահմանակից է Ռուսաստանին:

Հոկտեմբերի 20-ին մեկնարկել են Կարելյան, Լապլանդական թևերի և ռազմաօդային ուժերի ակադեմիայի գիշերային վարժական թռիչքների մշակման միջոցառումները: Զորավարժությունների շարքը պետք է ավարտվի դեկտեմբերին։