Անցյալ տարի Իրանում օդի աղտոտվածության պատճառով մահացել է մոտ 60,000 մարդ

Իրանի առողջապահության նախարարության տվյալներով՝ 2024 թվականին երկրում օդի աղտոտվածության պատճառով մահացել է մոտավորապես 58,975 մարդ։ Սա օրական միջինում կազմում է 161 մահ, կամ ժամում մոտ 7 մահ։ Խոսքը փոշու և աղտոտիչների մանրադիտակային մասնիկների մասին է, որոնք կարող են անմիջապես մտնել թոքեր։

Այս մասին հաղորդում է «Ազատ Իրան» տելեգրամյան ալիքը։

Իրանի ԱՆ–ի տվյալներով՝ այս մասնիկների մակարդակը Իրանի խոշոր քաղաքներում մի քանի անգամ բարձր է միջազգային չափանիշներից։ 30 տարեկանից բարձր քաղաքացիների շրջանում՝

- Մահերի 23%-ը պայմանավորված է սրտի իշեմիկ հիվանդությամբ,

- 21%-ը՝ թոքերի քաղցկեղով,

- 17%-ը՝ թոքերի քրոնիկ հիվանդություններով,

- 15%-ը՝ կաթվածով,

- մնացածը՝ տարբեր շնչառական վարակներով։