Bloomberg․ Եգիպտոսը պատրաստվում է գնել 200 հազար տոննա ռուսական հացահատիկ

Եգիպտոսի պետական հացահատիկի գնումների գործակալությունը՝ Mostakbal Misr-ը, պատրաստվում է դեկտեմբեր-հունվար ամիսներին ձեռք բերել շուրջ 500 հազար տոննա ցորեն Սևծովյան տարածաշրջանի երկրներից։ Ինչպես գրում է Bloomberg-ը՝ հղում անելով իր աղբյուրներին, դրանցից 200 հազար տոննան կգա Ռուսաստանից, 150 հազար տոննան՝ Բուլղարիայից, իսկ ավելի քան 130 հազար տոննան՝ Ուկրաինայից։

Բացի այդ, Կահիրեն բանակցում է ևս կես միլիոն տոննա ցորենի պահման պայմանագրի շուրջ՝ տարբեր մատակարարների հետ։ Հիշեցվում է, որ Եգիպտոսը համարվում է աշխարհի խոշորագույն ցորենի գնորդը, և նրա գնումների ծավալները հաճախ դիտվում են որպես գլոբալ պահանջարկի և շուկայի մրցունակության ցուցանիշ։

ԱՄՆ-ի գյուղատնտեսության նախարարության կանխատեսմամբ՝ ընթացիկ սեզոնին Եգիպտոսի ցորենի ներմուծումը կհասնի ռեկորդային 13 միլիոն տոննայի։ Միևնույն ժամանակ, Ռուսաստանի հացահատիկի միության տվյալներով՝ ռուսական ցորենի արտահանման աշխարհագրությունը նվազել է՝ 2024-ի հոկտեմբերին 50 երկրից մինչև 30 երկիր 2025-ի հոկտեմբերին։ Այնուամենայնիվ, Եգիպտոսը մնում է Ռուսաստանի ամենամեծ գնորդը՝ չնայած իր ներմուծման ծավալը նվազել է 16 տոկոսով՝ մինչև 1,3 միլիոն տոննա։