Գոբլին Պուչկովը հորդորել է ռուսներին չմեկնել Թուրքիա և Եգիպտոս

Ռուս հայտնի բլոգեր և թարգմանիչ Դմիտրի Պուչկովը, որը հայտնի է որպես Գոբլին, կոչ է արել իր հայրենակիցներին չմեկնել Թուրքիա և Եգիպտոս՝ պատճառաբանելով, որ այդ երկրները վտանգավոր են և քաղաքականորեն անբարյացակամ Ռուսաստանի նկատմամբ։ Այս մասին նա ասել է Sputnik ռադիոյի եթերում։

Պուչկովը հիշեցրել է, որ Թուրքիան հանդիսանում է ՆԱՏՕ-ի անդամ, և «չի կարելի գումար տանել մի երկիր, որը մի ժամանակ աջակցել է չեչեն անջատականներին»։ Նա հավելել է, որ Եգիպտոսում գործում են իսլամական ծայրահեղականների ուսումնական բազաներ, ինչի պատճառով այդ ուղղությունը նույնպես անընդունելի է ռուս զբոսաշրջիկների համար։

Բլոգերի խոսքով՝ ռուսաստանցիները պետք է իրենց հանգիստը անցկացնեն բարեկամ երկրների տարածքում՝ օրինակ Վիետնամում կամ Հյուսիսային Կորեայում։ Նախկինում Գոբլինն ասել էր, որ Եվրոպա չի մեկնի՝ ԵՄ սահմանած պատժամիջոցների պատճառով և նախընտրում է այցելել Չինաստան կամ ԿԺԴՀ։