Գիտնականները բացահայտել են ինֆարկտից տասնամյակներ առաջ երևացող «թաքնված ազդանշան»

Լոնդոնի համալսարանական քոլեջի գիտնականները պարզել են, որ նույնիսկ նորմայի սահմաններում գտնվող, բայց աստիճանաբար բարձրացող արյան ճնշումը մոտ 30 տարեկանում կարող է տասնամյակներ անց հանգեցնել ինֆարկտի կամ ինսուլտի։ Հետազոտության արդյունքները հրապարակվել են Circulation: Cardiovascular Imaging գիտական հանդեսում։

MyoFit46 ծրագրի շրջանակում ուսումնասիրվել է ավելի քան 500 մարդ՝ 36-ից 77 տարեկան, որոնց մոտ պարբերաբար չափվել է ճնշումը։ Պարզվել է, որ 30–50 տարեկանում ճնշման բարձրացումը  «նորմալ» ցուցանիշների դեպքում՝ մոտ 130 մմ սնդիկի սյունը նվազեցնում է սրտի արյան հոսքը 9–12 տոկոսով և միաժամանակ 30 տոկոսով բարձրացնում է ինֆարկտի, ինսուլտի ու սրտային անբավարարության ռիսկը։

Գիտնականների խոսքով՝ սիրտը «հիշում է» բարձր ճնշման տարիները նույնիսկ առանց նկատելի ախտանշանների․ անոթներում փոփոխությունները սկսվում են շատ ավելի շուտ, քան հաստատվում է հիպերտոնիայի ախտորոշումը։ Մասնագետները խորհուրդ են տալիս վերահսկել ճնշումը դեռ երիտասարդ տարիքից՝ պահպանելով առողջ սնունդ, ֆիզիկական ակտիվություն և անհրաժեշտության դեպքում օգտագործելով դեղորայք։