Լավրովը Զելենսկուն «նացիստ» է անվանել

Ռուսաստանի արտգործնախարար Սերգեյ Լավրովը հերթական անգամ կոշտ արտահայտվել է Ուկրաինայի նախագահի հասցեին՝ հայտարարելով, թե Վլադիմիր Զելենսկին իր գործողություններով ցույց է տալիս «նացիստական գաղափարներին հավատարմություն»։

Լավրովի այս հայտարարությունը հնչել է նրա վիդեոհարցազրույցի ընթացքում, որը հրապարակվել է ՌԴ արտաքին գործերի նախարարության կայքում։ Նա ընդգծել է, որ Զելենսկու քաղաքական ուղին և քայլերը «հստակ ցույց են տալիս նրա իրական համոզմունքները»։

Արտաքին քաղաքական գերատեսչությունը չի մանրամասնել՝ ինչ կոնկրետ գործողությունների մասին է խոսքը, սակայն այս հայտարարությունը տեղավորվում է Ռուսաստանի երկարատև քարոզչական գծի մեջ, որով Կրեմլը փորձում է Զելենսկուն ներկայացնել որպես «նացիզմի գաղափարական հետևորդ»։