ՌԴ ԱԳՆ-ում եվրոպական անօդաչու միջադեպերը որակել են որպես սադրանք

Ռուսաստանի փոխարտգործնախարար Դմիտրի Լյուբինսկին հայտարարել է, որ Եվրոպայում արձանագրված անօդաչու թռչող սարքերի միջադեպերը Մոսկվան դիտարկում է որպես «լավ պլանավորված սադրանք»։ Նրա խոսքերով՝ Ռուսաստանը դեռ առաջին իսկ դեպքերից հետո առաջարկել է խորհրդակցություններ եվրոպական կողմին, սակայն որևէ պատասխան չի ստացել։

«Մոսկվան ոչ թե պարզապես հարցում էր անում, այլ առաջարկում էր քննարկումներ հենց առաջին օրվանից, երբ սկսվեցին միջադեպերը, որոնք, ինչպես գիտեք, հանգեցրին անիմաստ սահմանափակումների և այլ թշնամական քայլերի», — նշել է Լյուբինսկին։

Նրա խոսքով՝ եվրոպական կողմի լռությունը միայն ուժեղացրել է Ռուսաստանի համոզմունքը, որ դրսում արձանագրված այս դրսևորումները ունեն կազմակերպված բնույթ։ Ավելի վաղ հաղորդվել էր, որ միայն Գերմանիայում 2025 թվականի սկզբից գրանցվել են հազարավոր անօրինական անօդաչու թռիչքներ։