Թուրքիայում Էրդողանի գլխավոր ընդդիմախոսին սպառնում է մինչև 2352 տարվա ազատազրկում

Թուրքիայի դատախազությունը պահանջել է դատապարտել Ստամբուլի քաղաքապետ, նախագահ Ռեջեփ Թայիփ Էրդողանի գլխավոր քաղաքական մրցակից Էքրեմ Իմամօղլուին մինչև 2352 տարվա ազատազրկման՝ կոռուպցիոն մեղադրանքներով։ Այս մասին հաղորդում է CNN Türk-ը։

Ըստ մեղադրանքի՝ Իմամօղլուին առաջադրվել է 142 ենթադրյալ իրավախախտում, որոնց համար նախատեսված պատժաչափը տատանվում է 828 տարուց մինչև 2352 տարի։ Նախորդ տարվա հուլիսին ընդդիմադիր քաղաքապետը արդեն դատապարտվել էր մեկ տարի ու ութ ամսվա ազատազրկման՝ պետական ծառայողի վիրավորանքի համար։

Նոր գործը կապված է նրա հայտարարությունների հետ, որոնք հասցեագրված էին Ստամբուլի գլխավոր դատախազ Աքին Գյուրլեկին։ Մեղադրող կողմը պնդում է, որ Իմամօղլուն կասկածի տակ է դրել դատախազի ազնվությունը։ Իմամօղլուն, ով համարվում է Թուրքիայում Էրդողանի ամենահզոր քաղաքական մրցակիցը, պնդում է, որ գործն ունի բացահայտ քաղաքական ենթատեքստ և ուղղված է ընդդիմության լռեցմանը։