Ռուսական Ми-38Տ ուղղաթիռները մուտք են գործել միջազգային շուկա․ առաջին գնորդը Մյանման է

Military Watch Magazine-ի տվյալներով՝ Մյանմայի ռազմական օդուժը դարձել է ռուսական Մի-38Տ ուղղաթիռների առաջին արտասահմանյան շահագործողը։ Նոյեմբերի 7-ին տեղի է ունեցել երեք ուղղաթիռների ընդունման պաշտոնական արարողությունը․ դրանցից երկուսը մատակարարվել են ստանդարտ տրանսպորտա-դեսանտային տարբերակով, իսկ երրորդը՝ հատուկ VIP-սարքավորումով՝ կարևոր անձանց տեղափոխության համար։

Ամերիկյան հրատարակությունը նշում է, որ այս մատակարարումը կարելի է համարել Ռուսաստանի համար նշանակալի արտահանման հաջողություն։ Մյանմայի օդային ուժերն, ըստ աղբյուրի, իրենց տիրապետած տեխնիկայով ապահովում են զգալի ռազմավարական առավելություն երկրի շարունակվող քաղաքացիական պատերազմի պայմաններում։

Մի-38Տ մոդելը տարբերվում է բազային տարբերակից՝ ամբողջությամբ ռուսական արտադրության բաղադրիչներով։ Ուղղաթիռը, որի առաջին թռիչքը կատարվել է 2018-ին, համալրված է ժամանակակից կապի համակարգերով և թվային նավիգացիոն համալիրով։ Նախկինում «Ռոստեխ»-ը հայտնել էր նաև նորացված «Անսատ-Մ» ուղղաթիռի ներկայացման մասին Dubai Airshow 2025-ում։