Պետությունը պահանջում է բռնագանձել պատգամավոր Գալկինի մոսկովյան բնակարանը

Չելյաբինսկի Կենտրոնական շրջանային դատարանը նոյեմբերի 19-ին կքննի դատախազության հայցը՝ պետական եկամուտ դարձնելու պատգամավոր Ալեքսանդր Գալկինին պատկանող մոսկովյան բնակարանը։ Ինչպես հայտնում է ТАСС-ը, հայցն ներկայացվել է «Պետական պաշտոն զբաղեցնող անձանց ծախսերի և եկամուտների համապատասխանության վերահսկման մասին» դաշնային օրենքի հիման վրա։

Դատական գործընթացում, բացի պատգամավորից, պատասխանողներ են նաև նրա ընտանիքի անդամները՝ Եվգենի, Նիկոլայ և Ելենա Գալկինները, ինչպես նաև Դմիտրի Լարինն ու Իննա Միրոշկինան։ Դատախազությունը կասկածի տակ է դրել այն միջոցների օրինականությունը, որոնցով Գալկինը ձեռք է բերել բնակարանը։

Գալկինը հայտնել է, որ բնակարանը գնել է հիպոտեկային վարկով և մասնավոր անձանցից վերցրած պարտքերով։ «Օրինակ՝ գումարի մի մասը ես պարտքով վերցրել եմ եղբորիցս, որը ստուգման ընթացքում գտնվում էր ռազմաճակատում և չէր կարող ներկայացնել անհրաժեշտ փաստաթղթեր։ Սակայն դատախազությունը դա մեկնաբանել է իմ և նրա դեմ», — ասել է պատգամավորը։