Թրամփը հաղորդագրություն է ուղարկել Պուտինին

Ռուսաստանի նախագահ Վլադիմիր Պուտինը Ուկրաինայի վերաբերյալ ուղերձ է ստացել իր ամերիկացի գործընկեր Դոնալդ Թրամփից, հաղորդում է Ura.Ru-ն։

Հաղորդվել է, որ Սպիտակ տան ղեկավարի նամակը Ռուսաստանի առաջնորդին փոխանցել է Ղազախստանի նախագահ Կասիմ-Ժոմարտ Տոկաևը, որը նոյեմբերի 11-ին Մոսկվա էր այցելել բանակցությունների համար։

Կրեմլում Պուտինի և Տոկաևի կողմից քննարկված կոնկրետ հարցերը դեռևս չեն հրապարակվել։ Պաշտոնական մամուլի հաղորդագրության մեջ միայն նշվում է, որ քաղաքական գործիչները պլանավորում են քննարկել «հատուկ հետաքրքրություն ներկայացնող» հարցեր։ Ենթադրվում է, որ Ուկրաինայում հակամարտության կարգավորումը կարող էր լինել երկու առաջնորդների միջև ոչ պաշտոնական զրույցի թեմաներից մեկը։

Փորձագետ-վերլուծաբան Արթուր Սուլեյմանովը հայտարարել է, որ Թրամփը ևս մեկ ազդանշան է ուղարկում առաջին հերթին Եվրոպային` Ուկրաինայում կարգավորման շուրջ բանակցություններին անցնելու անհրաժեշտության մասին։ «Եվ այս ասպեկտը, հավանաբար, ամենակարևորներից մեկն է Տոկաևի և Պուտինի հանդիպման ժամանակ», -հավելել է փորձագետը։