Թուրքիայում հայտնել են C-130-ի կործանման հնարավոր պատճառը

Վրաստանում թուրքական C-130 ռազմական տրանսպորտային ինքնաթիռի կործանման պատճառը կարող էր լինել տեխնիկական անսարքությունը։ Այս մասին CNN Turk-ին տված հարցազրույցում հայտարարել է ահաբեկչության և անվտանգության փորձագետ, պաշտոնաթող զինվորական Ջոշքուն Բաշբուղը։

Նրա խոսքով՝ այս մոդելը օգտագործվել է երկար տարիներ, և վերջին ինքնաթիռի վթարը տեղի է ունեցել 1982 թվականին։ Փորձագետը նշել է, որ ինքնաթիռը լայնորեն օգտագործվում է՝ ամենից հաճախ տեղափոխելով Թուրքիայի ռազմաօդային ուժերի անձնակազմ կամ ռազմական բեռներ։

«Հնարավո՞ր է, որ նման փորձնական ինքնաթիռը կարող է վթարի ենթարկվել տեխնիկական անսարքության պատճառով։ Իհարկե, դա հնարավոր է, բայց ես այս հավանականությունը բավականին ցածր եմ համարում», - հայտարարել է Բաշբուղը։

Փորձագետը ընդգծել է, որ ինքնաթիռը պետք է մանրակրկիտ սպասարկման և վերանորոգման ենթարկվեր՝ նախքան Ադրբեջան ուղարկելը։