Երգչուհի Սլավան հայտնել է, որ իրեն մոտ ախտորոշվել է բիպոլյար խանգարում

Ռուս երգչուհի Անաստասիա Սլանևսկայան, որը հայտնի է որպես Սլավա, հայտնել է, որ բժիշկները նրա մոտ ախտորոշել են բիպոլյար խանգարում։ Այս մասին տեղեկացնում է Պյատիյ կանալը։

Երգչուհու խոսքերով՝ նա որոշել է դիմել հոգեթերապևտի՝ իր ընկերուհու և գործընկեր Լոլիտա Միլյավսկայայի խորհրդով։ Վերջինիս առաջարկած մասնագետը հաստատել է բիպոլյար խանգարումը և նշանակել համապատասխան բուժում՝ խորհուրդ տալով Սլավային նվազեցնել աշխատանքային ծանրաբեռնվածությունը և ավելի ուշադիր վերաբերվել իր առողջությանը։

Սլավան նշել է, որ հենց այդ պատճառով էլ որոշել է վաճառել մոսկովյան իր բնակարանները։ «Սա ֆինանսական որոշում է։ Ուզում եմ փոքր-ինչ հանգստանալ, վերցնել այնքան համերգ, որքան թույլ կտա իմ վիճակը, որպեսզի “տանիքս չգնա”», — ասել է նա։ Նախօրեին երգչուհին հրապարակել էր տեսանյութ՝ բնակարանի ինտերիերով և առաջարկել այն վաճառքի՝ առանց գնի հստակ նշման, բայց ընդգծելով, որ գինը «փոքր չէ»։