Որն է Վենեսուելայի վրա ԱՄՆ-ի հարձակման սցենարը․ WP

ԱՄՆ-ն կարող էր Վենեսուելայի տարածքի վրա հարձակում սկսել օդանավակայանների կամ ծովային նավահանգիստների վրա հարվածներով, քանի որ Վաշինգտոնը դրանք համարում է թմրանյութերի իրացման համար տարանցիկ կետեր: Իրադարձությունների նման սցենարի մասին պատմել է ամերիկյան Ռազմածովային ուժերի պաշտոնաթող ծովակալ Ջիմ Ստավրիդիսը, նրա խոսքերը մեջբերում է The Washington Post-ը՝ հղում անելով աղբյուրներին:

«ԱՄՆ-ն կարող է սկսել հարվածելով օդանավակայաններին կամ ծովային նավահանգիստներին, որոնք նրանք համարում են թմրանյութերի փոխադրման պոտենցիալ կետեր։ Կարող են հարվածներ հասցվել նաև Վենեսուելայի և Կոլումբիայի սահմանի մոտ գտնվող թիրախներին, որտեղից մեծ քանակությամբ կոկաին է ստացվում: Սակայն Պենտագոնը նույնպես կցանկանար հարձակվել Վենեսուելայի ՀՕՊ համակարգերի վրա՝ իր ինքնաթիռների անվտանգությունն ապահովելու համար», - ենթադրել է նա։

Վենեսուելայում ԱՄՆ թմրամիջոցների դեմ պայքարի վարչության անանուն նախկին գործակալի կարծիքով՝ ամերիկյան զորքերը կարող են նաև հարվածներ հասցնել գաղտնի օդանավակայաններին, օրինակ՝ Ապուրե նահանգում: Պարբերականը անանունության իրավունքով մեջբերում է Վենեսուելայի ռազմական գերատեսչության նախկին կապիտանի խոսքերը, որը հնարավոր է համարել, որ ամերիկյան զորքերը կարող են հարձակվել Կատատումբո շրջանում թռիչքուղիների վրա, որտեղ օդային երթևեկության աճ է նկատվում՝ կապված ԱՄՆ-ի կողմից թմրավաճառների դեմ պայքարի գործողության հետ: