Եվրոպան խրախուսում է Ուկրաինային շարունակել պատերազմը. Պեսկով

Եվրոպական երկրները առավել հակված են աջակցելու Ուկրաինային՝ Ռուսաստանի հետ ռազմական հակամարտությունը շարունակելու հարցում, հայտարարել է ՌԴ նախագահի մամուլի քարտուղար Դմիտրի Պեսկովը, փոխանցում է ՌԻԱ Նովոստին։

Պեսկովի խոսքով՝ ԱՄՆ-ը այս հարցում պահպանում է «դադար վերցնելու» դիրքորոշում, մինչդեռ Եվրոպան շարունակում է խրախուսել Կիևին չդադարեցնել ռազմական գործողությունները։ «Եվրոպացիները ցույց են տալիս միտում՝ շարունակ խրախուսելու ռեժիմին պատերազմի շարունակման համար», — նշել է նա։

Կրեմլի ներկայացուցիչը նաև ընդգծել է, որ Ռուսաստանը դեռևս բաց է բանակցությունների համար, սակայն «նման գործընթացը անհնար է իրականացնել միակողմանի, երբ կիևյան ռեժիմը որևէ խոսակցության պատրաստ չէ»։ Ավելի վաղ ՌԴ ԱԳՆ պաշտոնյա Ալեքսեյ Պոլիշչուկը հայտնել էր Մոսկվայի պատրաստակամության մասին՝ վերականգնելու երկխոսությունը Կիևի հետ։