Առաջին «լեոպարդ-սուրիկատը» նկատվել է Պրիմորիեում

Ռուսաստանի Պրիմորիեի տարածաշրջանում զբոսաշրջիկների տեղադրած ֆոտովերահսկող սարքը նկարահանել է յուրահատուկ պահ՝ երբ հեռավորարևելյան ընձառույծը կանգնել է հետին թաթերին՝ ինչպես սուրիկատը։ Տեսանյութը հրապարակել է «Զեմլյա լեոպարդա» ազգային պարկի Telegram-ալիքը։

Զբոսաշրջիկների խումբը, գիդ Անտոն Գանզևիչի գլխավորությամբ, ֆոտախցիկը տեղադրել էր կենդանու հաճախ այցելվող տարածքում։ Կադրերում երևում է, թե ինչպես է ընձառյուծը մոտենում ծառին՝ ուսումնասիրելով այնտեղ մնացած հոտային հետքերը, այնուհետև բարձրանում է հետին թաթերին՝ փորձելով ավելի լավ հոտոտել։

Ազգային պարկի աշխատակիցները կատակը հնչեցրել են՝ կոչելով կենդանուն «առաջին լեոպարդ-սուրիկատ»։ «Ակնհայտ է, որ լուրերը նշագրման ծառի մոտ այնքան հետաքրքիր էին, որ ընձառյուծը որոշեց կանգնել՝ ավելի լավ հասկանալու համար իրավիճակը», — նշված է հաղորդագրության մեջ։

Նրանց հիշեցմամբ՝ վայրի կատուները իրար հետ շփվում են ոչ թե հանդիպումներով, այլ՝ հոտային նշաններով, որոնք թողնում են ծառերի և հողի վրա։ Ավելի վաղ նույն պարկում ֆոտոխցիկը ֆիքսել էր մեկ այլ «ինտրովերտ» ընձառյուծի մենակ զբոսանքը անտառում։