Պրոֆեսորը նշել է Ուկրաինայի և Եվրամիության ապագայի հինգ սցենար

Չիկագոյի համալսարանի պրոֆեսոր Ջոն Միրշայմերը Եվրախորհրդարանում դասախոսություն է կարդացել, որում բացահայտել է Ուկրաինայի և Եվրամիության ապագայի հինգ սցենար: Նրա կարծիքը մեջբերում է The European Conservative-ը։ 

1․ Ռուսաստանի մասնակի հաղթանակ ու հակամարտության սառեցում․

«Սա ամենահավանական սցենարն է․ Մոսկվայի տգեղ հաղթանակն է, որը համախմբում է Ուկրաինայի տարածքի 20-40 տոկոսը, մինչդեռ երկրի մնացած մասը դառնում է չկայացած պետություն, որը կախված է Եվրոպայից»:

2․ Պրագմատիկ բանակցություններ․

«Ուկրաինացիների համար լավագույն տարբերակը կլինի նստել ինքնաթիռ, մեկնել Մոսկվա և համակերպվել Ղրիմի և արևելյան շրջանների կորստի հետ։ Ամեն օր ավելի շատ ուկրաինացիներ են զոհվում պատերազմում, որը նրանք չեն կարող հաղթել»:

3․ Տարածաշրջանային էսկալացիա․

Միրշայմերը նախազգուշացրել է, որ Ռուսաստանի և Եվրոպայի միջև լարվածությունը չի վերանա կրակի դադարեցմամբ: Նա թվարկել է ապագայում վեց հնարավոր թեժ կետեր՝ Արկտիկա, Բալթիկ ծով, Կալինինգրադ, Բելառուս, Մոլդովա և Սև ծով: «Եվրոպան կմնա վտանգավոր մայրցամաք», - հավելել է փորձագետը:

4․ ԱՄՆ զորքերի դուրսբերում և ՆԱՏՕ-ի թուլացում.

«Եվրոպայի անվտանգության կառուցվածքը կախված է ամերիկացի խաղաղապահից։ Բայց Միացյալ Նահանգներն արդեն ծավալվում է դեպի Ասիա, և Թրամփը շահագրգռված չէ Եվրոպան փրկելու հարցում։ Եթե Վաշինգտոնը հեռանա, ՆԱՏՕ-ն կփլուզվի»։

5․ Եվրոպայում քաղաքական կազմալուծում.

«Երբ պարտությունը գա, կսկսվի մեղադրանքների խաղը։ Եվրոպացիները կմեղադրեն միմյանց, և արդյունքում մայրցամաքը կդառնա էլ ավելի բաժանված, աղքատ և անապահով»: