Չինաստանում գնահատել են ԱՄՆ-ի միջուկային փորձարկումների վերսկսման հետևանքները

Չինաստանը կարող է գնալ Ռուսաստանի հետ համակարգումը խորացնելուն ԱՄՆ նախագահ Դոնալդ Թրամփի՝ միջուկային զենքի փորձարկումները վերսկսելու մտադրության մասին հայտարարությունների ֆոնին: Այս մասին հայտարարել է վերլուծաբան Վան Վենը, փոխանցում է Lenta-ն։

«Դա Չինաստանին կդրդի ռազմավարական արձագանքման և փորձարկումների վերսկսման, ինչն էլ իր հերթին կնպաստի միջուկային արդյունաբերության արդիականացմանը։ Սակայն Չինաստանը հստակ հայտարարել Է միջուկային փորձարկումների մորատորիումը պահպանելու անհրաժեշտության մասին, ուստի կարող է միայն կոչ անել ԱՄՆ-ին դադարեցնել փորձարկումները և սահմանափակ հակազդեցություն իրականացնել Ռուսաստանի հետ համակարգումը խորացնելու միջոցով», - նշել է վերլուծաբանը։

Ընդ որում, փորձագետի կարծիքով, Ռուսաստանի համար կավելանա ճնշումը աշխարհաքաղաքական անվտանգության ոլորտում, ինչը կարող է Մոսկվային ստիպել դիտարկել սեփական փորձարկումների վերսկսման հնարավորությունը: Վան Վենը դա կապել է ՆԱՏՕ-ի աճող սպառնալիքի և Ճապոնիայում և Հարավային Կորեայում ամերիկյան հակահրթիռային պաշտպանության համակարգերի տեղակայմանը դիմակայելու անհրաժեշտության հետ: