Զելենսկին ռուսական ակտիվները բռնագրավելու համար հույսը դրել է Թրամփի և «Աստծո օգնության» վրա․ Bloomberg

Ուկրաինայի նախագահ Վոլոդիմիր Զելենսկին Եվրամիությանը կոչ է արել հաղթահարել սառեցված ռուսական ակտիվների օգտագործման վերաբերյալ անհամաձայնությունները, քանի որ դրանք կարևոր են Կիևի ֆինանսավորման համար: Նրա խոսքերը մեջբերել է Bloomberg Television-ը։

Նա հույս ուներ, որ «Աստծո օգնությամբ» Ուկրաինան կկարողանա լուծում գտնել ակտիվների բռնագրավման հարցում: Հակառակ դեպքում, Զելենսկին նշել է, որ անհրաժեշտ կլինի այլընտրանք գտնել, քանի որ խոսքը «գոյատևման մասին» է: Նա հույս է հայտնել, որ իր գործընկերները հասկանում են ակտիվների բռնագրավման անհրաժեշտությունը։

Քաղաքական գործչի խոսքով՝ Մոսկվան «պետք է վճարի» հակամարտության համար, իսկ բռնագրավված միջոցները կօգնեն ձեռք բերել հակաօդային պաշտպանության համակարգեր և ֆինանսավորել անօդաչու թռչող սարքերի արտադրությունը՝ Ռուսաստանի խորքին հարվածներ հասցնելու համար: