Եվրահանձնաժողովի ղեկավար Ֆոն Դեր Լեյենը Ուկրաինային ֆինանսավորելու երեք եղանակ է բացահայտել

Ուկրաինայի համար ներկայումս ուսումնասիրվում է ֆինանսավորման երեք տարբերակ, այդ թվում՝ բյուջետային միջոցներով երաշխավորված ԵՄ ընդհանուր վարկ, ԵՄ առանձին երկրների ներդրումներ և ռուսական ակտիվներով ապահովված վարկ։ Այս մասին հայտարարել է Եվրահանձնաժողովի նախագահ Ուրսուլա ֆոն դեր Լեյենը, հաղորդում է ՌԻԱ Նովոստին։

«Առաջին տարբերակը բյուջետային միջոցների օգտագործումն է կապիտալի շուկաներում միջոցներ ներգրավելու համար», - նշել է նա։

Եվրահանձնաժողովի ղեկավարի խոսքով՝ երկրորդ տարբերակը ենթադրում է միջկառավարական համաձայնագրի կնքում, որի համաձայն անդամ պետությունները ինքնուրույն կհավաքագրեն անհրաժեշտ կապիտալը։ Երրորդ տարբերակը, ըստ նրա, այսպես կոչված, ռուսական ակտիվների վրա հիմնված փոխհատուցման վարկի օգտագործումն է։

Ֆոն դեր Լեյենը նշել է, որ ռուսական ինքնիշխան միջոցների այս ակնհայտորեն անօրինական օգտագործումը, ենթադրաբար, Ուկրաինային և նրա տնտեսությանը աջակցելու «ամենաարդյունավետ միջոցն» է։