«Ժամանակն է». քննարկվում են նոր արտոնություններ պատերազմի վետերանների համար. Պուտին

Ռուսաստանի նախագահ Վլադիմիր Պուտինը հայտարարել է, որ վաղուց ժամանակն էր լուծել 2014 թվականից սկսած մարտական գործողությունների ընթացքում հաշմանդամություն ստացած զինծառայողների արտոնությունների հարցը։ Ինչպես հայտնում է ՏԱՍՍ-ը, նա այդ մասին ասել է Աստրախանի մարզպետ Իգոր Բաբուշկինի հետ հանդիպման ժամանակ։ Վերջինս նշել է, որ դեռ կան պատերազմի մասնակիցներ, որոնք չեն հասցրել ձևակերպել իրենց հաշմանդամության կարգավիճակը։

«Վաղուց պետք էր այս հարցը լուծել, առաջին անգամը չէ, որ քննարկում ենք», — ասել է Պուտինը՝ ընդգծելով խնդրի կարևորությունը։

Ավելի վաղ Պուտինը ստորագրել էր օրենք, որը հնարավորություն է տալիս հատուկ ռազմական գործողության, ինչպես նաև Դոնբասի կամավորականների և մարտիկների հաշմանդամ դարձած անդամներին ստանալ երկու թոշակ։ Օրենքը տարածվում է նաև ԴԺՀ և ԼԺՀ զինծառայողների վրա, որոնք 2014 թվականի մայիսի 11-ից հետո վիրավորվել են մարտական գործողությունների ընթացքում։