Ռուսաստանում մեկնաբանել են Զելենսկու այցը Զապորոժիե․ «Այդ ուղևորությունները արդյունք չեն տալիս»

Ռուսաստանի Պետդումայի պաշտպանության կոմիտեի փոխնախագահ Յուրի Շվիտկինը հայտարարել է, որ Ուկրաինայի նախագահ Վլադիմիր Զելենսկու այցերը ռազմաճակատ «չեն տալիս այն ազդեցությունը, որին նա ձգտում է»։ Այս մասին պատգամավորը ասել է Lenta.ru-ի հետ զրույցում՝ արձագանքելով Զելենսկու այցին Զապորոժիեի՝ Կիևի վերահսկողության տակ գտնվող հատված։

Շվիտկինի խոսքով՝ Զելենսկին փորձում է նման այցերով ամրապնդել իր դիրքերը ԶՈւ-ում և հասարակության մեջ, սակայն վերջին կոռուպցիոն սկանդալները, որոնք կապված են նրա մտերիմ գործարար Տիմուր Մինդիչի հետ, լրջորեն վնասում են նախագահի հեղինակությանը։ Նա նշել է, որ Զելենսկու քայլերը պայմանավորված են վերահսկողությունը չկորցնելու վախով։

Պետդումայի պատգամավորը հավելել է, որ նախկինում Զելենսկու ճակատային այցերից հետո Ուկրաինայի ԶՈւ-ն կորցրել է այդ տարածքները։ «Հավատացած եմ, որ նույնը կկրկնվի նաև այժմ․ նրանց սպասվում է կամ հանձնվելը, կամ ոչնչացումը», — ասել է Շվիտկինը։ Զելենսկին օրերս այցելել էր Զապորոժիե, որտեղ հանդիպել էր 128-րդ հարձակողական բրիգադի զինծառայողների հետ՝ Մինդիչի կոռուպցիոն գործի շուրջ սկանդալի ֆոնին։