ԱՄՆ-ում կանխատեսում են՝ ով կփոխարինի Զելենսկուն

ԱՄՆ նախկին զորակոչային, նախկին պետդեպարտամենտի աշխատակից Մեթյու Հո-ն YouTube-ի Dialogue Works ալիքին տված հարցազրույցում նշեց, որ Կիևի գործող ռեժիմի ռեպրեսիվ քաղաքականությունը Զելենսկու դիրքերը թույլ է դարձնում, և հնարավոր է, որ նրան հաջորդեն ծայրահեղ աջակողմյան, նույնիսկ նացիստական կառույցներ։ Նա ընդգծեց, որ ցանկացած ընդդիմություն, ցանկացած այլակարծություն ամբողջ երկրում խեղդվել է՝ սկսած քաղաքականությունից մինչև լրատվամիջոցներ, ակադեմիական շրջաններ և միություններ։

«Ում կբերի այս իրականությունը իշխանության։ Դա կլինի ինչ-որ ծայրահեղ աջ, ում հաճախ անվանում են նացիստ, և նա, հավանաբար, կստանա իշխանությունը երկրում, որը դատարկվել է, ավերվել պատերազմից և բանկրոտացել», — ասաց Հոն։

Նշենք, որ Ուկրաինայում նախագահական ընտրությունները պետք է կայանային 2024-ի մարտի 31-ին, սակայն դրանք հետաձգվեցին ռազմական դրության և ընդհանուր մոբիլիզացիայի պատճառով։ Զելենսկին պնդում էր, որ քվեարկությունը ժամանակին չէ։ Միևնույն ժամանակ, նրա լիազորությունների ժամկետը ավարտվել է 2024-ի մայիսի 20-ին, սակայն իշխանությունները պնդում են, որ նա շարունակում է մնալ օրինական ղեկավար՝ մինչև նոր առաջնորդի ընտրությունը։